انهي نوع من الأكيلة انت؟ – الجزء الأول

كلنا بنحب الأكل بدرجات متفاوتة والبعض منا بيفضلوا أكلات معينة بينما في ناس منا معندهمش مشاكل ياكلوا أي حاجة طالما في الآخر هيشبعوا. أنهي نوع من الأكيلة انت؟

الأكيل الطفس

طفس

بتحب الأكل زي عنيك ودايس في أي عزومة. عادةً مبتعتقش طبقك او طبق غيرك ودايماً بتحب اللمة. الأكل عندك أسلوب حياة ومحدش يقدر يزايد على كدة. في الأغلب بتبقى موقع حقد وغيرة اللي حواليك علشان في الآخر بتفضل رفيع وبتهضم الأكل بسرعة. مبروك: انت أكيل طفس

الأكيل المرعب

مرعب

ده نوع متقدم من الأكيل الطفس وده بيتصف بنفس المواصفات بس المشكلة بقا إنك متعرفش حبايبك في الأكل. بتاكل بكميات مهولة وبطريقة مرعبة لبعض أصحاب القلوب المرهفة وغالباً بيبقى بسبب دايت الجيم او طفاسة يعني عادي. بالهنا والشفا واوعى تجوع وتاكل دراع حد

الأكيل المسالم

مسالممبتحبش القلقاس؟ مش مشكلة. هتاكله. الأكل نعمة وغيرك مش لاقي ياكل. لقيت حاجة مش ولابد في السلطة؟ وماله؟ اهو بروتين برضو. الأكيل المسالم ميعترضش على الأكل حتى لو مش عاجبه.. مش حباً فيه، لأ. ده بس علشان هوا غلبان ومش ناوي يعمل قلق.. اهي كلها أكلة والسلام.. عادةً بياخد الأكل تيك أواي وبيبتسم للجرسون ويقوله “والله الأكل جميل انا بس اللي بشبع بسرعة” لما الجرسون يسأله لو الأكل معجبهوش ولما يروَح يأكله للقطط او يرميه في التلاجة لحد ما يبوظ علشان مبيحبش يرمي الأكل في الزبالة لحسن يجري وراه يوم القيامة. غلبان اوي

الأكيل المحسوك

محسوك

الأكيل المحسوك ده موجود في كل واحد فينا بنسبة بسيطة. بس لو بتلاقي نفسك بتبحلق في الكوباية او الشوكة والمعلقة كل مرة بتروح فيها مطعم وتعمل مشكلة كبيرة لو لقيت بصمة او خربوشة عليهم، اعرف انك أكيل محسوك. الأكل لو جيه فيه غلطة ممكن تطلب تكلم مدير المطعم وتطالب بإعتذار رسمي من الأمم المتحدة على الغلطة الشنيعة والغير مقصودة. مفيش مرة رحت فيها مطعم وما اشتكيتش وبتزعل لما صحابك يقولولك “يا عم فكك بقا خلينا ناكل وننبسط!”. عادةً بتعرف تستخدم عصاية السوشي ومهم جداً انك تاكل بيها لأنك كأكيل محسوك مقتنع ان السوشي مينفعش يتاكل غير بيها. مبتحبش الأكل المليان بهارات – مفيهوش بهارات – الجبنة – اللبن – البصل – الثوم – الخضار عامة – الخ

الأكيل اللي ما بياكلش

ما-بياكلش

نوع الأكيلة ده دايماً مظلوم. مابتاكلش وعارف نفسك مبتزودش في الأكل بس المشكلة ان الأكل مستقصدك واي حاجة بتاكلها لو كانت بسيطة بتبان عليك. ممكن تبقى ضخم او عضمك عريض والكل واخد عنك فكرة غلط انك أكيل طفس بس في الحقيقة انت غلبان ومبتاكلش كتير اصلاً. معلش.. احنا فاهمينك. متزعلش.. انت حد جميل

لو حابب تتعرف على شخصيتك، ادخل على موقعنا هنا واطلب وجبتك وقولنا انت انهي نوع من الأكيلة. انتظروا المزيد من أنواع الأكيلة في بوست جديد

🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s