هتاكل اكتر، هتخس اكتر

موسم الشتا من المواسم اللي بتشجع على القعدة في البيت والأكل الكتير وده في حد ذاته يعتبر سبب من اسباب زيادة الوزن لو مكناش حذرين كفاية. فكرة الأكل الكتير قد تعتبر غير محبوبة للبعض ولكن يوم بعد يوم، الدراسات بتثبت ان الاكل الكتير مش بيؤدي للسمنة بالضرورة لو تم تناول الوجبات الصحية بما يناسب حاجات جسمنا.

في التدوينة دي هنديكم خمس نصايح تستفيدوا بيها في الشتا وتساعدكم في خسارة الوزن الزائد بالإضافة الى الإستمتاع بفصل الشتا بدون تأنيب ضمير

افطروا فطار الملوك

مش محتاجين نأكد على أهمية وجبة الإفطار اللي بتجهز الجسم للقيام بمهامه طوال اليوم. كلوا وجبة متنوعة وغنية بأصناف الطعام الطبيعية والطازة

Sattva-Steps---Breakfast-Platter

كتروا من الفاكهة و الخضار قبل الأكل

زيادة تناول الخضار والفاكهة بيساهم في الإحساس بالشبع نظراً لإحتوائهم على الألياف اللي بتساعد على الإحساس بالشبع فبالتالي تاكلوا اقل خلال الوجبة الرئيسية بالإضافة الى انهم بيساعدوا على تنظيم مستويات السكر في الدم واللي بيساعد على التقليل من الشعور بالجوع

وطالما اتكلمنا على الخضار

كتروا من السلطات كمان

السلطة من أهم المكونات اللي ممكن تساهم في التحكم في زيادة الوزن و فقدان الوزن كمان. لما تبتدوا الوجبة بطبق سلطة  شهي وغني بالخضار الفريش، المعدة بتتملي أسر نظراً لإحتواء الخضارعلى الألياف اللي برضو بتساعد على تخفيض مستوى الكوليسترول وبتحسن الهضم. ونضيف الى ذلك ان الدراسات اثبتت ان تناول السلطة يومياً بيقلل من فرص الإصابة بالسرطان كما ان بعض انواع الخضار المستخدمة بتوفر دهون صحية مفيدة للجسم زي الأوفوكادو وزيت الزيتون المستخدم في تزيين السلطة

Saladero---Make-your-own-salad

Saladero---Make-your-own-salad---Greek

 كتروا من البروتين

البروتين هو مكون أساسي من المكونات اللي بيدخل في تكوين الخلايا في الجسم ومهم جداً يبقى متوفر بكمية تناسب جسم كل واحد فينا. البيوتين بيدخل أيضاً في تكوين الإنزيمات والهرمونات وبيساهم في تكوين العظام، العضل، الجلد والدم كمان. جسم الإنسان بيحتاج البروتين بإستمرار وطرق توفير البروتين للجسم متنوعة ومنها: الأسماك، الفراخ، اللحوم، البقوليات، المكسرات والحبوب الكاملة

InSeason-BYO-Salad

InSeason-BYO-Salad1 InSeason-Wraps

متخلوش في نفسكوا حاجة

لو كنت من عشاق الحلو، مش بالضرورة ترحم نفسك من اصنافك المفضلة. تناول قطع صغيرة او استبدل اصناف الحلو بالفاكهة او الزبادي المثلج بكل نكهاته او البارفيه الصحي

Yoguland-Plain

In-Season-Parfait

In-Season-Parfait-1

فقدان الوزن مش لازم يبقى بالحرمان من الأكل او قلته. الاستعانة بأغذية مفيدة وفي نفس الوقت بتشبع ممكن توصلك لفقدان وزن اكتر في فترة زمنية معينة بس تضمن برضو ان الجسم بيستمد حاجته من المكونات الغذائية بطريقة صحية تضمنلك فقدان وزن بطريقة سليمة ونفسية مرتاحة

متنسوش تجربوا المطاعم المذكورة في البوست وتدونا رأيكو وتقولولنا نتيجة النصايح دي

Advertisements